काठमाडौं । एमएडब्लू वृद्धि अटोकर्पले अल-न्यू दिपल निभो क्यू०५ आगामी साता नेपालमा सार्वजनिक गर्ने तयारी पूरा गरेको छ। कम्पनीका अनुसार चीनमा आफ्नो सेग्मेन्टमा अग्रणी रहेको क्यू०५ ले नेपाली बजारमा आराम, डिजाइन र प्रविधिमा नयाँ अनुभव प्रदान गर्नेछ ।
नयाँ दिपल निभो क्यू०५ ले सहरमा सहज रूपमा चलाउन मिल्ने बाहिरी आकारसँग फराकिलो तथा व्यवहारिक क्याबिन उपलब्ध गराएको छ। यसको २ हजार ७३५ मिलिमिटर लामो ह्विलबेसले पछाडिका यात्रुका लागि पर्याप्त ठाउँ उपलब्ध गराउने कम्पनीको दाबी छ ।
रिक्लाइन गर्न मिल्ने पछाडिका सिट तथा ५४० लिटर क्षमताको बुटले यात्राका क्रममा थप सुविधा दिनेछ। बुटमा सामान, किनमेलका सामग्री तथा पारिवारिक यात्राका लागि आवश्यक सामग्री राख्न पर्याप्त ठाउँ उपलब्ध हुने कम्पनीले जनाएको छ ।
क्यू०५ को डिजाइनलाई पनि प्रमुख विशेषताका रूपमा प्रस्तुत गरिएको छ। चांगानको विश्वव्यापी डिजाइन सञ्जालअन्तर्गत विकास गरिएको यस गाडीको डिजाइन टोलीमा ३१ देश तथा क्षेत्रका ९१५ जना डिजाइन व्यवसायी आबद्ध रहेको कम्पनीले जनाएको छ।
चांगानका विश्वव्यापी डिजाइन उपाध्यक्ष तथा फक्सवागन समूहका पूर्व डिजाइन प्रमुख क्लाउस जेसियोराको नेतृत्वमा विकसित क्यू०५ मा सफा तथा वायुगतिकीय स्वरूप, विशिष्ट बत्तीको बनोट र फराकिलो सडक उपस्थिति देख्न सकिनेछ। यसको डिजाइनले गोल्डेन ए’ डिजाइन अवार्डमार्फत अन्तर्राष्ट्रिय मान्यतासमेत प्राप्त गरिसकेको कम्पनीले जनाएको छ ।
विद्युतीय एसयूभी क्यू०५ मा ५१.९ किलोवाट-घण्टा क्षमताको क्याटल लिथियम-आइरन-फस्फेट ब्याट्री प्रयोग गरिएको छ। उक्त ब्याट्री चांगानको गोल्डेन शिल्ड २.० ब्याट्री प्रणाली प्रविधिसँग एकीकृत गरिएको कम्पनीको भनाइ छ।
गाडीले ३सी तीव्र चार्जिङ प्रविधि समर्थन गर्नेछ भने अधिकतम डीसी चार्जिङ क्षमता १६२ किलोवाटसम्म रहनेछ
कम्पनीका अनुसार दिपल निभो क्यू०५ बलियो अन्तर्राष्ट्रिय बजार उपलब्धिसहित नेपाल प्रवेश गर्दैछ। चांगान निभोले अगस्ट ११, २०२६ सम्म यस मोडलको सञ्चित बिक्री एक लाख युनिट नाघेको घोषणा गरेको थियो। चीनको कम्प्याक्ट एसयूभी बजारमा समेत यसले लगातार चार महिना शीर्ष स्थान कायम गरेको कम्पनीको दाबी छ ।
फराकिलो क्याबिन, अन्तर्राष्ट्रिय मान्यता प्राप्त डिजाइन र उन्नत प्रविधिसहित दिपल निभो क्यू०५ ले नेपाली कम्प्याक्ट विद्युतीय एसयूभी बजारमा नयाँ मापदण्ड स्थापित गर्ने अपेक्षा गरिएको छ ।
