काठमाडौं । सेयर बजार परिसूचक नेप्से बुधबार २१.३२ अंकले बढेको छ । मंगलबार ४.१२ अंकले बढेको नेप्से आजको वृद्धिसँगै २ हजार ६२१ अंकमा पुगेको छ । यससँगै सेयर बजार लगातार पाँच कारोबार दिनदेखि बढेको हो ।
बुधबारको बजार वृद्धिमा बैंकिङ समूहको योगदान सबैभन्दा बढी देखिएको छ । बजार पुँजीकरणमा २५.४४ प्रतिशत हिस्सा रहेको बैंकिङ समूहको सूचक १.४५ प्रतिशतले बढेको छ । यो समूहको सूचक चैत १० यताकै उच्च विन्दु १ हजार ५६५ अंकमा पुगेको छ ।
बैंकिङ समूहसँगै बुधबार सबै समूहगत सूचकमा वृद्धि भएको छ । विकास बैंक समूह १.१९ प्रतिशत, वित्त ०.०४ प्रतिशत, जलविद्युत् ०.२९ प्रतिशत, होटल तथा पर्यटन ०.०४ प्रतिशत र लगानी समूह ०.५२ प्रतिशतले बढेका छन् ।
त्यस्तै, जीवन बिमा समूह ०.७३ प्रतिशत, उत्पादन तथा प्रशोधन ०.४६ प्रतिशत, लघुवित्त ०.७९ प्रतिशत, निर्जीवन बिमा १.२० प्रतिशत, अन्य समूह ०.६३ प्रतिशत र व्यापार समूह ०.८० प्रतिशतले बढेका छन् ।
बजार बढे पनि कारोबार रकम भने घटेको छ । अघिल्लो दिन ४ अर्ब ७३ करोड रुपैयाँको कारोबार भएकोमा बुधबार ४ अर्ब १३ करोड रुपैयाँको सेयर किनबेच भएको छ ।
आज १८८ कम्पनीको सेयर मूल्य बढेको छ भने ८० कम्पनीको घटेको छ । नौ कम्पनीको मूल्यमा कुनै परिवर्तन भएको छैन ।
बुधबार उपकार लघुवित्तको सेयर मूल्य सबैभन्दा धेरै ४.९५ प्रतिशतले बढेको छ । त्यस्तै, ग्रिन भेन्चर्सको ४.२० प्रतिशत, नेपाल वेयरहाउजिङको ३.८६ प्रतिशत, ओरियन्टल होटल्सको ३.७४ प्रतिशत, आईजीआई प्रुडेन्सियल इन्स्योरेन्सको ३.५७ प्रतिशत, सन नेपाल लाइफ इन्स्योरेन्सको ३.१७ प्रतिशत, टक्सार पिखुवाखोलाको ३.१७ प्रतिशत र एनआईसी एसिया बैंकको ३.०८ प्रतिशतले मूल्य बढेको छ ।
यसैगरी, सगरमाथा जलविद्युत् कम्पनीको सेयर मूल्य ६.३२ प्रतिशतले घटेको छ । एभरेस्ट कलरको ४.९५ प्रतिशत, स्वाभिमान लघुवित्तको ३.७५ प्रतिशत, अपर लोहोरेखोलाको ३.६४ प्रतिशत र सिटी होटलको ३.३३ प्रतिशतले मूल्य घटेको छ ।
कारोबार रकमका आधारमा बुधबार कुमारी बैंक, घलेम्दी हाइड्रोपावर, लक्ष्मी सनराइज बैंक, सानिमा बैंक, सिटी होटल र माउन्टेन इनर्जीका सेयर अगाडि रहेका छन् ।
समग्रमा नेप्से परिसूचक र सबै समूहगत सूचक बढे पनि कारोबार रकममा भने अघिल्लो दिनको तुलनामा कमी आएको छ ।
