काठमाडौं । धितोपत्र बजारमा सेयर कारोबार मापक नेप्से परिसूचक आइतबार दोहोरो अंकले वृद्धि भएको छ । नेपाल स्टक एक्सचेञ्ज (नेप्से)का अनुसार परिसूचक २४.५७ अंकले उकालो लागेर २६५१.६९ मा पुगेको छ ।
ठूला कम्पनीको कारोबार मापन गर्ने सेन्सेटिभ परिसूचक ४.३३ अंकले बढेर लागेर ४६०.६१ मा पुगेको छ । त्यस्तै फ्लोट सूचक १.७३ अंकले बढेर १८१.९६ मा पुगेको छ । यस्तै सेन्सेटिभ फ्लोट सूचक भने १.५७ अंकले बढेर एक सय ५६ पुगेको छ ।
आज विभिन्न कम्पनीका ९५ लाख १९ हजार ४५२ कित्ता सेयर चार अर्ब ४० करोड सात लाख ५२ हजार ५४२ मूल्यमा खरिद बिक्री भएको छ । आज १३ वटै उपसमूहको सेयर बढेको छ ।
नेप्सेका अनुसार कलङ्गा हाइड्रो लिमिटेड, आरबिबी फोकस ४० म्युचुअल फण्ड, सानीगढ हाइड्रोपावरका लगानीकर्ताले कमाएका छन् । त्यसैगरी आज आत्मनिर्भर लघुवित्त वित्तीय संस्था, सिटिजन बैंकको डिबेञ्चरका लगानीकर्ताले भने गुमाएका छन् ।
