काठमाडौं । स्थानीय बजारमा शुक्रबार सुनको मूल्य बढेको छ । बिहीबारको तुलनामा सुन तोलामा एक हजार र चाँदी ५० ले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला दुई लाख ८५ हजार र त्यति नै परिमाणको चाँदीको मूल्य चार हजार ३६० कायम भएको छ ।
हिजो छापावाल सुन प्रतितोला दुई लाख ८४ हजार र त्यति नै परिमाणको चाँदी चार हजार ३१० मा कारोबार भएको थियो । गत बुधबार छापावाल सुन प्रतितोला दुई लाख ८३ हजार २०० र त्यति नै परिमाणको चाँदी चार हजार ३२० कायम भएको थियो ।
अन्तरराष्ट्रिय सञ्चारमाध्यमहरूका अनुसार अन्तरराष्ट्रिय बजारमा आज एक औँस सुन चार हजार ७० र चाँदी ५८ अमेरिकी डलरमा किनबेच भइरहेको छ ।
