काठमाडौँ । सुनको मूल्य हालसम्मकै उच्च विन्दुमा पुगेको छ । अन्तर्राष्ट्रिय बजारमा लगातार उकालो लाग्दा नेपाली बजार पनि प्रभावित भएको हो । सुनको मूल्य अन्तर्राष्ट्रिय बजारअनुसार नेपाली बजारमा उतारचढाव हुन्छ ।
नेपाल सुनचाँदी व्यवसायी महासंघका अनुसार सोमबारका लागि निर्धारण भएको सुनको मूल्य नेपाली बजारमा हालसम्मकै उच्च हो । महासंघका अनुसार आज सुनको मूल्य प्रतितोला पाँच सय रुपैयाँ बढेको छ ।
आज छापावाला सुनको मूल्य प्रतितोला एक लाख ५७ हजार तीन सय रुपैयाँ निर्धारण भएको । आइतबार प्रतितोला एक लाख ५६ हजार आठ सय रुपैयाँमा कारोबार भएको थियो ।
त्यस्तै, चाँदीको मूल्य तोलामा १५ रुपैयाँ बढेको छ । आइतबार प्रतितोला एक हजार नौ सय रुपैयाँमा कारोबार भएको चाँदी आजका लागि एक हजार नौ सय १५ रुपैयाँ निर्धारण भएको हो ।
यो पनि पढ्नुहोस्
