काठमाडौं । सुनको मूल्य अहिलेसम्मकै उच्च निर्धारण भएको छ । नेपाल सुनचाँदी व्यवसायी महासंघका अनुसार बुधबारका लागि सुनको भाउ १ लाख ५३ हजार १ सय रुपैयाँ निर्धारण भएको हो ।
यसअघि भदौ ५ गते सुनको मूल्य १ लाख ५३ हजार कायम भएको थियो । मंगलबारको तुलनामा सुनको मूल्य प्रतितोला ८ सय रुपैयाँ बढेर हालसम्मकै उच्च कायम भएको महासंघले जनाएको छ । सुनको मूल्य मंगलबार प्रतितोला १ लाख ५२ हजार ३ सय रुपैयाँ थियो ।
महासंघका अनुसार चाँदीको मूल्य तोलामा ५ रुपैयाँ बढेको छ । मंगलबार १ हजार ८५० रुपैयाँ प्रतितोला रहेको चाँदीको मूल्य आजका लगि १ हजार ८५५ रुपैयाँ निर्धारण भएको हो ।
