काठमाडौं । नेपाली बजारमा सुनको मूल्य घटेको छ ।
नेपाल सुनचाँदी व्यवसायी महासंघका अनुसार बुधबार प्रतितोला १ लाख ६० हजार ६ सय रुपैयाँका दरले कारोबार भएको सुनको मूल्य आज बिहीबारका लागि १ लाख ६० हजार ५ सय रुपैयाँ निर्धारण भएको हो ।
महासंघका अनुसार अन्तर्राष्ट्रिय बजारमा भने सुनको भाउ घटेकाले नेपाली बजार पनि प्रभावित भएको हो । आज अन्तर्राष्ट्रिय बजारमा प्रतिऔंस सुनको मूल्य २७६०.५६ डलरमा कारोबार भइरहेको छ ।
बिहीबार चाँदीको मूल्य भने बढेको छ । बुधबार प्रतितोला १८ सय ५५ रुपैयाँका दरले कारोबार भएको चाँदी आजका लागि १८ सय ८५ रुपैयाँ निर्धारण भएको महासंघले जनाएको छ ।
