मकवापुर । लामो समयदेखि बन्द हेटौंडा कपडा उद्योगलाई पुनः सञ्चालनमा ल्याउने हेतुले कारखानाको भौतिक पूर्वाधार तथा उपकरणको अवस्था एवं परीक्षण अघि बढेको छ ।
सरकारले उद्योगको पुनः सञ्चालनको तयारी गरेसँगै सम्बद्ध निकायबाट त्यहाँको उपकरणको परीक्षण लगायतका काम अघि बढेको औद्यागिक क्षेत्र व्यवस्थापन लिमिटेड हेडौंडा कार्यालयका सूचना अधिकारी हिमालय भण्डारीले जानकारी दिए ।
उद्योग २०३२ सालमा स्थापना भएको थियो । २०३५ सालदेखि २०५६ साल सम्म कपडा उत्पादन भइ २०५७ साल देखि उद्योग बन्द भएको थियो ।
यसवर्ष सरकारले उद्योगको पुनः सञ्चालनमा ल्याउने तयारी गरेसँगै सरकारी तबरबाट सम्बद्ध निकायले स्थलगत अनुगमनसँगै सक्रियता बढाइरहेको उनले बताए । कपडा उद्योगसँगै बुटवल धागो र बाँकेको कपास उत्पादन कारखाना पनि बन्द छन् ।
