काठमाडौं । सुनको मूल्य प्रतितोला १ लाख ७१ हजार रुपैयाँ पुगेको छ । नेपाल सुनचाँदी व्यवसायी महासंघका अनुसार बिहीबार सुन प्रतितोला तीन सय रुपैयाँ बढेर १ लाख ७१ हजार रुपैयाँ निर्धारण भएको हो । यो हालसम्मकै उच्च मूल्य हो ।
बुधबार सुनको मूल्य प्रतितोला २२ सय रुपैयाँ बढेर १ लाख ७० हजार ७ सय रुपैयाँ पुगेको थियो ।
चाँदी भने आज घटेको छ । बुधबार २१ सय २० रुपैयाँमा कारोबार भएको चाँदी आजका लागि २ हजार ९० रुपैयाँ निर्धारण भएको महासंघले जनाएको छ ।
