काठमाडौं । नेपाली बजारमा सुनको मूल्यले नयाँ रेकर्ड बनाएको छ । छापावाला सुन आज तोलामा दुई हजार एक सय रुपैयाँ बढेर एक लाख ५० हजार आठ सय रुपैयाँ पुगेको हो ।
सोमबार सुनको मूल्य तोलामा एक लाख ४८ हजार सात सय रुपैयाँमा कारोबार भएको थियो ।
आज चाँदी प्रतितोला २५ रुपैयाँ बढेर एक हजार ७४० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । सोमबार चाँदीको मूल्य प्रतितोला एक हजार ७१५ रुपैयाँ थियो ।
