काठमाडौँ । सुनको मूल्य हालसम्मकै उच्च भएको छ । आज भएको वृद्धिपछि सुनको मूल्य हालसम्मकै उच्च कायम भएको हो ।
अन्तर्राष्ट्रिय बजारमा लगातार सुनको मूल्य बढ्दा त्यसको प्रभाव स्थानीय बजारमा परेको छ । नेपाल सुनचाँदी व्यवसायी महासंघका अनुसार आज तोलामा एक हजार सात सय रुपैयाँले वृद्धि भएको छ ।
शुक्रबार प्रतितोला एक लाख ५७ हजार एक सय रुपैयाँमा कारोबार भएको छापावाला सुन आजका लागि एक लाख ५८ हजार आठ सय रुपैयाँ निर्धारण भएको छ । असोज १ को तुलनामा आजको मूल्यसूचीअनुसार छापावाला सुन तोलामा दुई हजार एक सय रुपैयाँ बढेको छ ।
यस्तै, चाँदीको मूल्य तोलामा पाँच रुपैयाँ बढेको छ । शुक्रबार प्रतितोला एक हजार नौ सय १५ रुपैयाँमा कारोबार भएको चाँदीको मूल्य आजका लागि एक हजार नौ सय २० रुपैयाँ निर्धारण भएको हो ।
