अपडेट
काठमाडौं । त्रिभुवन अन्तर्राष्ट्रिय विमानस्थल परिसरमा भएको सौर्य एयरलाइन्सको जहाज दुर्घटनामा १८ जनाको मृत्यु भएको छ ।
प्राधिकरणको खोज तथा उद्धार समन्वय केन्द्रले जारी गरेको विज्ञप्तिमा आगलागी नियन्त्रणमा लिएर १८ जनाको शव संकलन गरिएको उल्लेख छ । दुर्घटनामा परेको जहाजबाट क्याप्टेन ३७ वर्षीय मनिष शाक्यको उद्धार गरिएको छ । उनलाई उपचारका लागि अस्पताल लगिएको छ ।
काठमाडौंबाट पोखराका लागि उडेको जहाज बिहान ११ बजेर ११ मिनेट जाँदा दुर्घटनामा परेको हो । नेपाल नागरिक उड्डयन प्राधिकरणका अनुसार जहाजमा सौर्यका इन्जिनियर तथा प्राविधिकहरु थिए ।
इन्जिन परीक्षणका लागि पोखरा उड्न लागेका बेला जहाज दुर्घटनामा परेको हो ।
