काठमाडौँ । सुनको मूल्य एकैदिन प्रतितोला ४ हजार रुपैयाँ घटेको छ । नेपाल सुनचाँदी व्यवसायी महासंघका अनुसार शुक्रबार प्रतितोला १ लाख ४५ हजार रुपैयाँमा कारोबार भएको छापावाला सुन आज आइतबारका लागि प्रतितोला १ लाख ४१ हजार रुपैयाँ निर्धारण भएको हो ।
यस्तै तेजाबी सुन तोलामा एक लाख ४० हजार तीन सय रुपैयाँ निर्धारण भएको छ । शुक्रबार तेजाबी सुन प्रतितोला एक लाख ४४ हजार तीन सय रुपैयाँले कारोबार भएको थियो ।
चाँदीको मूल्य पनि तोलामा ७५ रुपैयाँ घटेको छ । शुक्रबार तोलाको एक हजार नौ सयमा कारोबार भएको चाँदी आजका लागि एक हजार ८२५ रुपैयाँ निर्धारण भएको महासंघले जनाएको छ ।
