काठमाडौं । उच्च अदालत तुलसीपुरको बुटवल इजलासले रास्वपा सभापति रवि लामिछानेलाई थुनामा पठाउन आदेश दिएको छ ।
सुप्रिम सहकारी ठगी र संगठित अपराध सम्बन्धी मुद्दामा जिल्ला अदालत रुपन्देहीले लामिछानेलाई १ करोड रुपैयाँ धरौटीमा छाड्ने आदेश दिएको थियो । उक्त आदेशविरुद्ध परेको पुनरावेदनमा उच्च अदालतले जिल्ला अदालतको फैसला बदर गर्दै थुनामा पठाउने आदेश दिएको हो ।
न्यायाधीशद्वय रमेश ढकाल र स्वीकृति पराजुलीको संयुक्त इजलासबाट यो आदेश जारी गरिएको हो ।
यसअघि रुपन्देही जिल्ला अदालतको आदेशविरुद्ध पुनरावेदन निवेदन दायर गरिएको थियो । उच्च अदालतको नयाँ आदेशले अब रवि लामिछानेलाई थुनामा राखी मुद्दाको प्रक्रिया अघि बढाइने छ ।
