काठमाडौं । नेपाली बजारमा शुक्रबार सुन-चाँदीको मूल्य घटेको छ । बिहीबारको तुलनामा सुनको मूल्य प्रतितोला तीन हजार नौ सय रूपैयाँले घटेको हो ।
नेपाल सुनचाँदी व्यवसायी महासंघका अनुसार, शुक्रबार छापावाल सुनको मूल्य प्रतितोला एक लाख ७६ हजार चार सय रूपैयाँमा कारोबार भइरहेको छ । बिहीबार सुनको मूल्य एक लाख ८० हजार तीन सय रूपैयाँ पुगेको थियो, जुन हालसम्मकै उच्च मूल्य हो ।
यसैगरी, चाँदीको मूल्य पनि घटेको छ । बिहीबार चाँदीको मूल्य प्रतितोला एक हजार नौ सय ९५ रूपैयाँमा कारोबार भएको थियो । शुक्रबार एक सय २५ रूपैयाँ घटेर प्रतितोला एक हजार आठ सय ७० रूपैयाँमा कारोबार भइरहेको छ ।
