काठमाडौं । काठमाडौं महानगरपालिकाका प्रमुख प्रशासकीय अधिकृत सरोज गुरागाईंलाई बिहीबार कार्यालय प्रवेशमा रोक लगाइएको छ ।
गुरागाईं काममा फर्कने तयारीमा रहँदा महानगर प्रहरीले उनलाई गेटमै रोक्ने प्रयास गरेको हो ।
यसअघि, उनलाई नक्सा पास प्रक्रियामा अनियमितता भएको भन्दै छानबिन गर्दै जिम्मेवारीबाट हटाइएको थियो । तर, सरकारी निर्णयअनुसार उनलाई पुनः पठाइएको भन्दै महानगरका कर्मचारीहरूले हाजिर गराउन माग गरेका छन् ।
