कामठमाडौं । नेपाली बजारमा बिहीबार सुनको मूल्यले पुनः रेकर्ड कायम गर्न सफल भएको छ ।
सुनको मूल्यले रेकर्ड बनाउने क्रम जारी रहेको छ । गत शुक्रबारदेखि सुनको मूल्यमा रेकर्ड बनिरहेकोमा बुधबार भने घटेको थियो ।
आज सुनको मूल्य हालसम्मकै उच्च विन्दुमा पुगेको छ । यसअघि मंगलबार पनि हालसम्मकै उच्च मूल्यमा सुनको कारोबार भएको थियो ।
उक्त दिन सुन प्रतितोला एक लाख ७९ हजार सात सय रूपैयाँमा कारोबार भएको थियो । आज सुन प्रतितोला एक लाख ८० हजार तीन सय रूपैयाँ पुगेको छ ।
यो मूल्य पछिल्लो रेकर्डभन्दा प्रतितोला ६ सय रूपैयाँ बढी हो । यस्तै बुधबार भने प्रतितोला एक लाख ७९ हजार एक सय रूपैयाँमा सुनको कारोबार भएको थियो ।
चाँदीको भाउ तोलामा २५ रुपैयाँ घटेको छ । बुधबार प्रतितोला २ हजार २० रुपैयाँ रहेको चाँदी आज १ हजार ९९५ रुपैयाँ कायम भएको छ ।
