काठमाडौं । नेपाली बजारमा सुनको मूल्य प्रतितोला दुई हजार दुई सय रुपैयाँ घटेको छ ।
नेपाल सुनचाँदी व्यवसायी महासंघका अनुसार बिहीबार प्रतितोला १ लाख ७० हजार ३ सय रुपैयाँका दरले कारोबार भएको सुनको मूल्य शुक्रबारका लागि १ लाख ६८ हजार एक सय रुपैयाँ निर्धारण भएको हो ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा सुनको मूल्य घटेकाले नेपाली बजार पनि प्रभावित भएको हो । आज अन्तर्राष्ट्रिय बजारमा प्रतिऔंस सुनको मूल्य २८६४.४९ डलरमा कारोबार भइरहेको छ ।
आज चाँदीको मूल्य पनि घटेको छ । बिहीबार प्रतितोला १९ सय ४५ रुपैयाँका दरले कारोबार भएको चाँदी बिहीबारका लागि १९ सय १५ रुपैयाँ निर्धारण भएको महासंघले जनाएको छ ।
