काठमाडौं । सुनको मूल्य प्रतितोला नौ सय रुपैयाँ घटेको छ ।
नेपाली बजारमा सोमबार प्रतितोला १ लाख ६० हजार एक सय रुपैयाँका दरले कारोबार भएको सुनको मूल्य आज मंगलबारका लागि १ लाख ५९ हजार दुई सय रुपैयाँ निर्धारण भएको हो ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा भने सुनको भाउ घटेकाले नेपाली बजार पनि प्रभावित भएको हो । आज अन्तर्राष्ट्रिय बजारमा प्रतिऔंस सुनको मूल्य २७४३.४१ डलरमा कारोबार भइरहेको छ ।
मंगलबार चाँदीको मूल्य पनि घटेको छ । सोमबार प्रतितोला १८ सय ५० रुपैयाँका दरले कारोबार भएको चाँदी आजका लागि १८ सय ३५ रुपैयाँ निर्धारण भएको महासंघले जनाएको छ ।
