काठमाडौं । चितवनमा प्रहरीले युवकलाई निर्घात कुटपिट गरेको भिडियो सार्वजनिक भएको छ । भरतपुर महानगरपालिकाको बाइपास सडकखण्डमा प्रहरीले एक जना युवकलाई निर्घात कुटपिट गरेको भिडियो सामाजिक सञ्जालबाट बाहिरिएको हो ।
‘माथिको पावर देखाएको’ भन्दै चेकिङमा खटिएका प्रहरीले युवकलाई लात्तैलात्तले हानेका छन् । भिडियो सामाजिक सञ्जालमा भाइरल भएको द्ध भने घटनाको सर्वत्र विरोध भइरहेको छ ।
जिल्ला प्रहरी कार्यालय चितवनले घटनाको छानबिनका लागि प्रहरी नायब उपरीक्षक (डीएसपी) ज्ञानकुमार महतोको नेतृत्वमा तीन सदस्यीय छानबिन समिति गठन गरेको जनाएको छ । घटना कहिलेको हो भन्ने खुलिसकेको छैन ।
