काठमाडौं । नेपाली बजारमा सोमबार सुनको मूल्य ४०० रुपैयाँ बढेको छ ।
नेपाल सुनचाँदी व्यवसायी महासंघका अनुसार आइतबार १ लाख ४९ हजार सात सय रुपैयाँमा कारोबार भएको सुनको मूल्य आजका लागि प्रतितोला १ लाख ५० हजार एक सय रुपैयाँ निर्धारण भएको हो ।
त्यस्तै, सोमबार चाँदीको मूल्य भने स्थिर छ । आज चाँदी १ हजार ८६५ रुपैयाँमा कारोबार भैरहेको महासंघले जनाएको छ ।
अन्तर्राष्ट्रिय बजारमा पनि मूल्य घटिरहेका बेला सरकारले भन्सार दर १० प्रतिशतमा झारेपछि सुनको मूल्य केही घटेको थियो ।
