काठमाडौं । नेपाली बजारमा सुनको मूल्यले आज पनि रेकर्ड बनाएको छ । लगातार बढिरहेको सुनको मूल्यले आज बुधबार हालसम्मकै उच्च विन्दु कायम गरेको हो ।
नेपाल सुनचाँदी व्यवसायी महासंघका अनुसार सुनको मूल्य आजका लागि प्रतितोला एक लाख ६० हजार चार सय रूपैयाँ निर्धारण भएको छ । सुन मंगलबार प्रतितोला एक लाख ५९ हजार सात सय रूपैयाँमा कारोबार भएको थियो ।
मंगलबारको तुलनामा बुधबार सुन प्रतितोला सात सय रूपैयाँ बढेको महासंघले जनाएको छ ।
बुधबार चाँदीको मूल्य पनि बढेको छ । मंगलबार प्रतितोला १९ सय १५ रूपैयाँमा कारोबार भएको चाँदी बुधबार ४० रुपैयाँ बढेर १९ सय ५५ रूपैयाँ निर्धारण भएको हो ।
अन्तर्राष्ट्रिय बजारमा सुन प्रतिऔंस २६ सय ६० अमेरिकी डलरमा कारोबार भइरहेको छ ।
