काठमाडौं । नेपाली बजारमा सुनको मूल्य प्रतितोला ९ सय रुपैयाँ बढेको छ ।
नेपाल सुनचाँदी व्यवसायी महासंघका अनुसार मंगलबार प्रतितोला १ लाख ६९ हजार पाँच सय रुपैयाँका दरले कारोबार भएको सुनको मूल्य बुधबारका लागि १ लाख ७० हजार ४ सय रुपैयाँ निर्धारण भएको हो ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा सुनको मूल्य बढेकाले नेपाली बजार पनि प्रभावित भएको हो । आज अन्तर्राष्ट्रिय बजारमा प्रतिऔंस सुनको मूल्य २९१२.२७ डलरमा कारोबार भइरहेको छ ।
आज चाँदीको मूल्य पनि बढेको छ । मंगलबार प्रतितोला १९ सय ४० रुपैयाँका दरले कारोबार भएको चाँदी बुधबारका लागि १९ सय ५० रुपैयाँ निर्धारण भएको महासंघले जनाएको छ ।
