काठमाडौं । सिटिजन्स बैंक इन्टरनेसनलका अध्यक्ष प्रबलजंग पाण्डेलाई मातृशोक परेको छ । पाण्डेकी आमा उर्मिलाको मंगलबार राति उपचारका क्रममा निधन भएको हो ।
उनी ७० वर्षकी थिइन् । उर्मिलाका श्रीमान् प्रदीपजंग पाण्डे नेपाल उद्योग वाणिज्य महासंघका पूर्वअध्यक्ष हुन् ।
उनको आज बिहान पशुपति आर्यघाटमा दाहसंस्कार गरिएको छ । उर्मिलाका तीन छोरा प्रबलजंग, प्रतापजंग र प्रज्जवलजंग व्यवसायी हुन् ।
पाण्डेको निधनमा नेपाल उद्योग वाणिज्य महासंघले गहिरो दु:ख व्यक्त गरेको छ ।
