काठमाडौँ । नेपाल नागरिक उड्डयन प्राधिकरण (क्यान) ले प्रभु हेलिकप्टर लिमिटेडका क्याप्टेन पासाङ शेर्पालाई निलम्बन गरेको छ ।
क्याप्टेन शेर्पाले उडानका दौरान केही अस्वीकार्य र अनधिकृत गतिविधि गरेका कारण निलम्बन गरिएको क्यानका प्रवक्ता हंसराज पाण्डेले जानकारी दिए ।
‘क्याप्टेन शेर्पाले उडानका दौरान केही अस्वीकार्य र अनधिकृत गतिविधि गरेका कारण अर्को सूचना जारी नभएसम्म आइतबार निलम्बन गरिएको हो, घटनाबारे अनुसन्धान भइरहेको छ,’ उनले भने ।
