काठमाडौं । अमेरिकामा धमाधम आप्रवासी पक्राउ पर्न थालेका छन् । अवैध रूपमा अमेरिकामा रहेको आशंकामा आइतबारमात्रै करिब एक हजार आप्रवासी पक्राउ परेका छन् ।
अमेरिकी अध्यागमन तथा भन्सार प्रवर्तन (आईसीई) ले आइतबार राति एसोसिएटेड प्रेसलाई बताएअनुसार उत्तरी टेक्सासबाट ८४ जना आप्रवासीलाई पक्राउ गरी आईसीईको डलासको क्षेत्रीय कार्यालयमा लगिएको छ ।
बिहीबारसम्म देशभर करिब एक हजार तीन सय जना आप्रवासीलाई पक्राउ गरिएको आईसीईले जनाएको छ ।
