एजेन्सी । गाजा पट्टीमा इजरायली युद्धले १५ महिनाको निरन्तर द्वन्द्वपछि यस क्षेत्रमा सञ्चालित बैंकहरूको करिब ९३ प्रतिशत शाखा नष्ट भएको विश्व बैँकले जनाएको छ ।
जेरुसेलममा वितरण गरिएको एक प्रतिवेदनमा विश्व बैँकले युद्धले ८८ प्रतिशत लघुवित्त संस्था, अधिकांश मुद्रा विनिमय सेवा र ८ प्रतिशत बिमा कम्पनीलाई पनि नष्ट गरेको बताएको छ ।
विश्व बैँक र प्यालेस्टाइन मौद्रिक प्राधिकरणको लगातार तथ्यांकअनुसार गाजा स्ट्रिपमा ९४ वटा एटीएममध्ये तीनमात्र हाल सञ्चालनमा रहेको प्रतिवेदनमा उल्लेख छ ।
गाजाका प्यालेस्टिनीहरूले खाद्यान्न, औषधिलगायतका आधारभूत वस्तुहरू र सेवाहरू तिर्न संघर्ष गरिरहेका छन् । बैँकिङ प्रणालीमा अवरोधहरूले निजी क्षेत्रको उत्पादन पुनः सुरु गर्ने र रोजगारीका अवसर सिर्जना गर्ने क्षमतामा बाधा पुर्याइरहेको छ ।
