नेपाल प्रफिट
२०८१ वैशाख ९, आइतबार १०:१९
काठमाडौं । हिमपहिरोले गोखराको चुमनुब्री गाउँपालिका-१ स्थित वीरेन्द्रताल फुट्दा बूढीगण्डकी नदीमा पानीको बहाव उच्च भएको छ । बिहान पौने ९ बजेतिर तालमा ठूलो हिउँ पहिरो झरेको स्थानीयले बताएका छन् ।
ताल फुटेपछि बूढीगण्डकी नदीमा पानीको बहाब उच्च भएको छ । बाढीले नदीआसपास क्षति गर्न सक्ने भन्दै गृह मन्त्रालयले तल्लो तटीय क्षेत्रका बासिन्दालाई सतर्क रहन आग्रह गरेको छ ।
‘बाढीले क्षति गर्ने सम्भावना हुन्छ । बाढी आउनुपूर्व नै सुरक्षित रहन अपिल गर्दछौं,’ गृह मन्त्रालयका प्रवक्ता नारायणप्रसाद भट्टराईले भने ।
जिल्ला प्रहरी कार्यालय गोरखाले दिएको जानकारीअनुसार घटनाबारे बुझ्न सामागाउँ चौकीबाट प्रहरी त्यसतर्फ गएको पनि उनले जानकारी दिए ।
Copyright © Nepal Profit - 2024 / Developed By Webtech Nepal