नेपाल प्रफिट
२०८० माघ ९, मंगलबार १३:१०
काठमाडौं । प्रभु बैंकले सेयरधनीलाई लाभांश वितरण नगर्ने भएको छ । कम्पनी सञ्चालक समितिको सोमबार बसेको बैठकले गत वर्ष २०७९/८० को नाफाबाट लगानीकर्तालाई लाभांश नदिने निर्णय गरेको हो ।
कम्पनीले नेपाल स्टक एक्सचेन्जलाई पठाएको पत्रमा ‘सेयरधनीलाई लाभांश वितरण गर्ने प्रस्ताव नरहेको’ उल्लेख छ ।
प्रभु बैंकले २०७८/७९ को नाफाबाट पनि सेयरधनीलाई जम्मा ८ प्रतिशत लाभांश दिएको थियो । त्यसअघिको वर्षमा १२.६३ प्रतिशत लाभांश दिएको थियो ।
आव २०७४/७५ देखि २०७८/७९ सम्ममा प्रभु बैंकले सेयरधनीलाई औसत ११.२८ प्रतिशत लाभांश वितरण गरेको जनाएको छ ।
Copyright © Nepal Profit - 2024 / Developed By Webtech Nepal