काठमाडौं । राष्ट्रियसभा अध्यक्षमा माओवादी केन्द्रका उम्मेदवार नारायण दाहाल निर्वाचित भएका छन् ।
मंगलबार भएको राष्ट्रियसभा अध्यक्ष निर्वाचनमा कांग्रेसका युवराज शर्मालाई पराजित गर्दै दाहाल विजयी भएका हुन् ।
दाहाललाई नेकपा एमाले, नेकपा एकीकृत समाजवादी र जसपाको पनि समर्थन थियो । उनी राष्ट्रपतिबाट मनोनीत सदस्य हुन् ।
राष्ट्रिय सभामा माओवादीका १८, एमालेका १०, एकीकृत समाजवादीका ८, जसपाका ३ सांसदले दाहाललाई भोट हालेका छन् । शर्मालाई कांग्रेसको १६ र लोसपाको १ गरी १७ मत प्राप्त भयो । कुल ५६ भोट खसेको थियो ।
