काठमाडौं । नेपाली बजारमा बिहीबार सुनको मूल्य ३०० रुपैयाँ बढेको छ ।
नेपाल सुनचाँदी व्यवसायी महासंघका अनुसार बुधबार १ लाख ५० हजार ४०० रुपैयाँमा कारोबार भएको सुनको मूल्य आजका लागि प्रतितोला १ लाख ५० हजार ७०० रुपैयाँ निर्धारण भएको हो ।
कात्तिक १५ गते सुनको भाउ हालसम्मकै उच्च १ लाख ७१ हजार रुपैयाँ पुगेको थियो ।
अन्तर्राष्ट्रिय बजारमा पनि मूल्य घटिरहेका बेला सरकारले भन्सार दर १० प्रतिशतमा झारेपछि सुनको मूल्य केही घटेको थियो ।
त्यस्तै, आज चाँदीको मूल्य १५ रुपैयाँ बढेको छ । मंगलबार १ हजार ८६५ रुपैयाँ प्रतितोला रहेको चाँदीको मूल्य बिहीबारका लागि १ हजार ८८० रुपैयाँ निर्धारण भएको महासंघले जनाएको छ ।
सुनसँगै अन्तर्राष्ट्रिय बजारमा क्रिप्टोकरेन्सी बिटक्वाइन, इथरियमलगायतको मूल्य पनि बढेको छ । नेपाली रुपैयाँको तुलनामा डलरको मूल्य पनि हालसम्मकै उच्च बनेको छ ।
