काठमाडौं । नेपाल प्रिमियर लिग (एनपीएल) को तेस्रो संस्करणको उद्घाटन खेलमा लुम्बिनी लायन्सले टस जितेको छ। त्रिवि क्रिकेट मैदानमा सुदूरपश्चिम रोयल्सविरुद्ध हुन लागेको खेलमा लुम्बिनीले टस जितेर पहिले बलिङ गर्ने निर्णय गरेको हो।
तेस्रो संस्करण अन्तर्गतको पहिलो खेल केहीबेरमा सुरु हुँदैछ । उद्घाटन खेलमा लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ।
टस जितेसँगै लुम्बिनीले पहिले बलिङ गर्दै सुदूरपश्चिमलाई ब्याटिङको निम्तो दिएको छ। अब सुदूरपश्चिमले निर्धारित ओभरमा प्रतिस्पर्धात्मक स्कोर बनाउने लक्ष्य राख्नेछ भने लुम्बिनीले विपक्षी टोलीलाई कम स्कोरमा रोक्ने रणनीति अपनाउनेछ।
एनपीएलको तेस्रो संस्करणको सुरुवाती खेल भएकाले दुवै टोलीका लागि प्रतियोगितामा सुखद सुरुवात गर्ने अवसर रहेको छ।
