काठमाडौं । कृत्रिम बुद्धिमत्ता (एआई), फिनटेक, वेब-थ्री र डिजिटल अर्थतन्त्रका पछिल्ला प्रवृत्तिमाथि छलफल गर्न ग्लोबल टेक बिजनेस ग्रुपले आगामी जुलाई २५ र २६ मा ‘भर्चुअल इन्टरप्रेनर्स समिट २०२६’ आयोजना गर्ने भएको छ।
दुईदिने सम्मेलनमा विश्वभरका प्रविधि विज्ञ, उद्यमी, लगानीकर्ता तथा मानव संसाधन विज्ञ सहभागी हुनेछन्। पहिलो दिन एआई र खुद्रा व्यापारको एकीकरण, स्टार्टअप लगानी रणनीति तथा प्रविधि क्षेत्रको बदलिँदो परिदृश्यबारे छलफल हुनेछ।
दोस्रो दिन भविष्यको उपभोक्ता बजार, सीमाहीन डिजिटल अर्थतन्त्र, फिनटेक, वेब-थ्री र एआईको नैतिक प्रयोगबारे प्यानल छलफल सञ्चालन गरिने आयोजकले जनाएको छ।
यससँगै सम्मेलनमा प्रत्यक्ष प्रश्नोत्तर, करियर फेयर तथा प्रविधि क्षेत्रका नयाँ अवसरबारे जानकारी दिने विभिन्न सत्र पनि समावेश गरिएका छन्।
