काठमाडौं । एड्भेन्चरका लागि बनाइने धेरै गाडीहरू प्रायः उत्पादनपछि एड-अन-रूफ टेन्ट, लाइट बार वा स्किड प्लेट जस्ता टुलहरू थपेर प्रचार गरिन्छ । तर, डिपल ई०७ ट्रान्सफर्मर एक्सले फरक बाटो रोजेको छ । यसमा एड्भेन्चर बाहिरबाट जोडिएको होइन, सिधै यसको च्यासिसको संरचनामै समावेश गरिएको छ ।
यसको डिजाइन ब्लुप्रिन्टको केन्द्रमा ‘रूपान्तरण’को अवधारणा छ । पछाडिको स्लाइड हुने डोमले सेकेन्डभरमै गाडीको प्रयोगलाई नयाँ स्वरूप दिन्छ र एसयूभीलाई खुला तथा सामान बोक्न मिल्ने लचिलो प्लेटफर्ममा रूपान्तरण गर्छ ।
६५५ किलोग्रामसम्म पछाडि बोक्ने क्षमता र अतिरिक्त १३१ लिटरको अगाडिको ट्रंक (फ्रन्क) भएको ई०७ यात्रुका लागि मात्र होइन, उपकरण, बाइक, क्याम्पिङ मोड्युल र अभियानका आवश्यक सामग्री बोक्नका लागि पनि डिजाइन गरिएको छ । यसले जीवनशैली र आवश्यकताबीच कुनै सम्झौता गर्न बाध्य बनाउँदैन ।
भू–भागअनुसार चल्ने बुद्धिमत्ता टेरेन इन्टेलिजेन्सले यसको अनुभवलाई अझ उचाइमा पुर्याउँछ । एडप्टिभ एयर सस्पेन्सन प्रणालीले मिलिसेकेन्डमै प्रतिक्रिया दिँदै सडकको अवस्थाअनुसार गाडीको उचाइ र ड्याम्पिङ समायोजन गर्छ । २२३ मिमीसम्म समायोजन गर्न सकिने ग्राउन्ड क्लियरेन्स र ६०० मिमीसम्म पानी पार गर्न सक्ने क्षमता भएको ई०७ नदीकिनार, पहाडी बाटो र असमान ग्राभेल सडकहरूमा आत्मविश्वासका साथ अघि बढ्न तयार छ । यो केवल देखावटी मजबुती होइन सही रूपमा इन्जिनियर गरिएको क्षमता हो ।
ऊर्जा स्वतन्त्रता यसको अर्को महत्वपूर्ण पक्ष हो । ६ किलोवाटको भेइकल-टु-लोड (भी२एल) प्रणालीले सवारीलाई मोबाइल पावर स्टेसनमा रूपान्तरण गर्छ, जसले इन्डक्सन कुकर, प्रोजेक्टर, कफी मेसिन वा क्याम्पसाइटको बत्ती सजिलै चलाउन सक्छ । लामो डब्लूएलटीपी ड्राइभिङ रेन्ज र फास्ट चार्जिङ प्रविधिसँगै ई०७ ले एउटा सहरदेखि अर्को सहरबीचको यात्रा पनि सहज बनाउँछ । छिटो चार्ज हुने क्षमताले कम कुर्नुपर्ने र रमाइलो बढी हुने अवस्थालाई सम्भव बनाउँछ ।
तर, यसको कथा केवल प्रदर्शनमा सीमित छैन । यसले बाहिरी वातावरणमा रमाइलो अनुभव पनि थप्छ । बाहिरी प्रयोगका लागि छुट्टै स्पिकरसहित यसको १८ वटा स्पिकर भएको अडियो प्रणालीले मनोरञ्जनलाई गाडीको क्याबिनभन्दा बाहिरसम्म विस्तार गर्छ । ‘सेनिक मोड्स’ले प्राकृतिक परिवेशसँग मिलेर एम्बियन्ट लाइटिङ समायोजन गर्छ, जसले पहाड वा तालमाथि सूर्य अस्ताउँदै गर्दाको वातावरणलाई अझ विशेष बनाउँछ ।
डीपल ई०७ ट्रान्सफर्मर एक्स एड्भेन्चरका लागि पछि रूपान्तरण गरिएको कुनै साधारण एसयुभी होइन । यो सुरुदेखि नै एड्भेन्चरलाई केन्द्रमा राखेर बनाइएको विद्युतीय ट्रान्सफर्मर हो, जहाँ मेकानिकल शक्ति, ठाउँको राम्रो सदुपयोग र ऊर्जाको स्वतन्त्रता एउटै दर्शन ‘इन्जिनियर गरिएको अन्वेषण’मा जोडिन्छन् ।
