बैंकक । प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीबीच बैंककमा शुक्रबार भेटवार्ता भएको छ । बिमस्टेक सम्मेलनमा सहभागी हुन थाइल्याण्ड पुगेका दुई नेताबीचको यो भेटवार्ता क्षेत्रीय समन्वय र आपसी सम्बन्ध सुदृढीकरणका दृष्टिकोणले महत्वपूर्ण मानिएको छ ।
प्रधानमन्त्री ओलीले तेस्रो कार्यकालको नेतृत्व सम्हालेपछि मोदीसँगको यो दोस्रो भेट हो । यसअघि गत असोज ७ गते अमेरिकाको न्युयोर्कमा आयोजित संयुक्त राष्ट्रसंघ महासभाको अवसरमा प्रधानमन्त्री ओली र मोदीको भेटवार्ता भएको थियो । 
ओली प्रधानमन्त्री भएको झण्डै नौ महिना बितिसक्दा पनि भारतको औपचारिक भ्रमणको निम्तो पाएका छैनन् ।
