काठमाडौं । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक सामान्य अंकले बढेको छ । नेप्सेमा सूचीकृत १३ मध्य ४ उपसमूहमा हरियाली छाएपछि समग्र बजार परिसूचक ३.३५ अंकले बढेर २७०३.३९ अंकमा उक्लिएको हो ।
आज १५१ कम्पनीको सेयर मूल्य घटेको छ भने ९३ कम्पनीका लगानीकर्ताले कमाएका छन् । बिहीबार कारोबार रकम भने बढेको छ । बुधबार ५ अर्ब ४४ करोडको कारोबार भएकामा आज ७ अर्ब ८४ करोड ४६ लाखको कारोबार भयो ।
आज ग्रीन भेन्चर्सको मूल्य सबैभन्दा धेरै १० प्रतिशत बढ्यो । त्यस्तै सुपरमादीको ६.९५, राधि विद्युतको ४.९०, एनएलजी इन्स्योरेन्सको ४.६३ प्रतिशत बढेको छ । त्यस्तै, अन्य १.४५, हाइड्रोपावर ०.०३, निर्जीवन बीमाको ०.५९, बैंकिङ ०.९६ प्रतिशत बढ्यो ।
विकास बैंक ०.१७, होटल तथा पर्यटन ०.१२, वित्त १.५९, लगानी ०.०३,लघुवित्त ०.३७, म्युचुअल फन्ड ०.२४, उत्पादन तथा प्रशोधन ०.१२, जिवनबीमा ०.६६, प्रतिशत मूल्य घटेको छ भने व्यापार समुह सबै भन्दा धेरै १.६६ प्रतिशत घट्यो ।
उपकार लघुवित्तको मूल्य सबैभन्दा धेरै ७.८ प्रतिशत घट्यो । विन नेपाल लघुवित्तको ६.१ तथा गार्डियन माइक्रोलाइफ इन्स्योरेन्सको ६.१ र बोटलर्स नेपाल बालाजुको मूल्य ५.८ प्रतिशत घट्यो ।
