काठमाडौं । सरकारले गत चैत १५ गते काठमाडौंको तीनकुनेमा भएको प्रदर्शनका क्रममा ज्यान गुमाएकाका परिवारलाई प्रतिपरिवार १० लाख रुपैयाँ राहत उपलब्ध गराउने निर्णय गरेको छ ।
गृहमन्त्रीस्तरीय बैठकले उक्त निर्णय गरेको गृहमन्त्रीको सचिवालयले जनाएको छ ।
तीनकुने घटनामा परेर २९ वर्षीय सविन महर्जन र पत्रकार सुरेश रजक को निधन भएको थियो । चिकित्सकहरूका अनुसार पोस्टमार्टम रिपोर्टमा रजकको शरीरमा गोलीको कुनै निशान नभेटिएको तर महर्जनको शरीरमा एक गोली लागेको पुष्टि भएको छ ।
महर्जनको मंगलबार नै दाहसंस्कार गरिएको छ भने रजकको आज अन्त्येष्टि गरिने बताइएको छ ।
