• Menu

बीवाईडी एसिया प्यासिफिक डिलर कन्फ्रेन्स : साइमेक्स इंकलाई अवार्ड नै अवार्ड

नेपाल प्रफिट

२०८१ चैत १९, १६:५४

बीवाईडी एसिया प्यासिफिक डिलर कन्फ्रेन्स : साइमेक्स इंकलाई अवार्ड नै अवार्ड

काठमाडौं । बीवाईडी अटो इन्डस्ट्रीको नेपालका लागि आधिकारिक वितरक साइमेक्स इंकले चीनको सेन्झेनमा सम्पन्न बीवाईडी एसिया प्यासिफिक २०२५ डिलर कन्फ्रेन्समा अवार्ड नै अवार्ड प्राप्त गरेको छ ।

कनेक्टेड, इन्स्पायर्ड, युनाइटेड थिममा आयोजित इभेन्टमा एसिया प्यासिफिक क्षेत्रमा उत्कृष्ट कार्य गरेका पार्टनरहरूलाई उनीहरूको अभूतपूर्व योगदानका लागि सम्मानित गरिएको हो । नेपालमा दिगो मोबिलिटीलाई अगाडि बढाउन नेतृत्व लिएबापत साइमेक्स इंक विभिन्न प्रतिष्ठित अवार्डबाट सम्मानित भएको छ ।

साइमेक्स इंकले अल ब्रान्ड टप सेल्स अवार्ड, एसिया प्यासिफिक आउटस्ट्यान्डिङ स्ट्राटेजिक पार्टनर अवार्ड, २०२४ एक्सिलेन्ट पार्टनर अवार्ड र टप २० स्टोर अवार्ड प्राप्त गरेको छ । यसैगरी, लुज महर्जन, निराजन खनाल र सनम शेखले टप सेल्स अवार्ड प्राप्त गरे ।

नेपालमा बीवाईडीलाई सफल बनाउन महत्त्वपूर्ण भूमिका खेल्ने डिलर नेटवर्कको उपलब्धिमा समेत साइमेक्स इंक सहभागी बनेको छ । यसअनुसार बीवाईडीको दाङका लागि आधिकारिक डिलर टिम एलेभेन ईभी वर्ल्डले सन् २०२४ आउटस्ट्यान्डिङ मार्केटिङ डिलर अवार्ड प्राप्त गरको छ ।

त्यसैगरी, चितवनको डिलर युरो अटो ग्रिनले सन् २०२४ एक्सिलेन्ट पार्टनर अवार्ड र वीरगन्जको डिलर निरज अटोमोबाइल्सले सन् २०२४ बेस्ट सेल्स ग्रोथ डिलर अवार्ड प्राप्त गरेका छन् ।

प्रतिक्रिया दिनुहोस्