काठमाडौं । सरकारले नेपाल स्टक एक्स्चेन्ज (नेप्से)को प्रमुख कार्यकारी अधिकृत (सीईओ)मा चुडामणि चापागाईंलाई नियुक्त गरेको छ । मन्त्रिपरिषदको सोमबार बसेको बैठकले उनलाई नेप्सेको सीईओ नियुक्त गरेको हो ।
झापाको दमक घर भएका चापागाईंसँग सानिमा र सनराइज बैंक एवं सानिमा रिलायन्स लाइफ इन्स्योरेन्समा काम गरेको अनुभव छ । क्षमता र अनुभवभन्दा पनि प्रधानमन्त्री केपी ओलीसँग निकट भएकै कारण बलिया प्रतिस्पर्धीलाई पाखा लगाएर नेप्सेको सीईओ फुत्काउन चापागाईं सफल भएका हुन् ।
उनीमाथि सानिमा रिलायन्सबाट करोडौंको फेक पोलिसी जारी गराएको आरोप छ । नेप्सेको सीईओ पद माघ २५ देखि रिक्त थियो ।
