काठमाडौं । नेपाल विद्युत प्राधिकरणका पूर्व कार्यकारी निर्देशक कुलमान घिसिङले आफूलाई अन्यायपूर्वक पदमुक्त गरिएको दाबी गर्दै सर्वोच्च अदालतमा रिट दायर गरेका छन् ।
उनले सरकारको निर्णय बदर गर्दै पुनः कार्यकारी निर्देशकमा पुनर्बहाली गरिनुपर्ने माग राखेका छन् ।
रिट निवेदनमा नेपाल सरकार, ऊर्जा मन्त्रालय, र नेपाल विद्युत प्राधिकरणका नवनियुक्त कार्यकारी निर्देशक हितेन्द्रदेव शाक्यलाई विपक्षी बनाइएको छ ।
सरकारले कुनै ठोस कारणबिना आफूलाई हटाएको भन्दै घिसिङले निर्णयलाई बदनियतपूर्ण करार गरेका छन् । उनका प्रतिनिधिले करिब ५ बजे सर्वोच्च अदालतमा निवेदन दर्ता गराएका छन् ।
