काठमाडौं । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक उच्च अंकले घटेको छ । नेप्सेमा सूचीकृत १३ मध्य १२ उपसमूहमा राताम्य भएपछि समग्र बजार परिसूचक १२.३८ अंकले घटेर २६६९.७६ अंकमा ओर्लिएको हो ।
आज १७५ कम्पनीको सेयर मूल्य घटेको छ भने ६२ कम्पनीका लगानीकर्ताले कमाएका छन् । ७ वटा कम्पनीको भने स्थिर रह्यो ।
बिहीबार कारोबार रकम पनि घटेको छ । बुधबार ५ अर्ब १४ करोडको कारोबार भएकामा आज ४ अर्ब ५६ करोड १३ लाखको कारोबार भयो ।
आज दोल्ती पावर ७.५३, एसियन हाइड्रोपावर ५.४९, सिन्धु विकास बैंक ४.९७, गार्डियन माइक्रोलाइफ इनस्योरेन्स ४.४३ र स्वेत गंगा हाइड्रोपावरको ४.२४ प्रतिशत मूल्य बढेको छ भने जिवनबीमा ०.०३ प्रतिशत बढ्यो ।
त्यस्तै, उत्पादन तथा प्रशोधन ०.७१, लगानी ०.१०, वित्त समुह १.३५, अन्य ०.६१, बैंकिङ ०.३७, विकास बैंक ०.२०, हाइड्रोपावर ०.६४, होटल तथा पर्यटन ०.५०, म्युचुअल फन्ड ०.३९, व्यापार समुह ०.३२,लघुवित्त ०.५५, निर्जीवन बीमाको ०.९६ प्रतिशत मूल्य घटेको छ ।
मिथिला लघुवित्त र भूगोल इनर्जि डेभलपमेन्टमा नकारात्मक सर्किट लागेको छ । उपकार लघुवित्त ३.५१, कुथेली बुखरीस्मल हाइड्रोपावर ३.४१ र सुपर मादी हाइड्रोपावर ३.२८ प्रतिशत मूल्य घट्यो । कारोबार रकमका आधारमा नेपाल रिइन्स्योरेन्सको सबै भन्दा धेरै २८ करोड २१ लाख बराबरको कारोबार भयो ।
