काठमाडौं । कर्जाको माग सुस्त भएका बेला निक्षेप संकलनमा पनि खासै उत्साह नआएको नेपाल बैंकर्स संघको तथ्यांकले देखाएको छ । चालु आर्थिक वर्ष २०८१/८१ को साउनदेखि फागुनसम्मको तथ्यांकअनुसार ‘क’ वर्गका वाणिज्य बैंकहरुबाट निक्षेप संकलन र कर्जा प्रवाहको वृद्धि समान छ ।
चालु आवको ८ महिनामा २ खर्ब ८२ अर्ब रुपैयाँ निक्षेप संकलन भएको छ भने २ अर्ब ८० अर्ब कर्जा प्रवाह भएको छ । प्रतिशतका हिसाबले निक्षेप संकलन वृद्धिदर निकै कम छ । समीक्षा अवधिकमा निक्षेप संकलन ४.९ प्रतिशतले बढेको छ भने कर्जा प्रवाह ६.१२ प्रतिशतलेब ढेको छ ।
असार मसान्तसम्म ५७ खर्ब ५५ अर्ब रहेको वाणिज्य बैंकहरुको निक्षेप संकलन फागुन मसान्तमा ६० खर्ब ३७ अर्ब पुगेको छ । सोही अवधिमा कर्जा प्रवाह ४५ खर्ब ७१ अर्बबाट बढेर ४८ खर्ब ५१ अर्ब रुपैयाँ पुगेको छ ।
फागुन मसान्तसम्ममा बैंक तथा वित्तीय संस्थाहरुमा ६७ खर्ब ६४ अर्ब निक्षेप संकलन भएको छ भने ५४ खर्ब ६२ अर्ब कर्जा प्रवाह भएको नेपाल राष्ट्र बैंकले जनाएको छ ।
