काठमाडौं । सुनको मूल्य प्रतितोला एक हजार रुपैयाँ बढेको छ ।
नेपाली बजारमा बिहीबार प्रतितोला १ लाख ५९ हजार ६ सय रुपैयाँका दरले कारोबार भएको सुनको मूल्य आज शुक्रबारका लागि १ लाख ६० हजार ६ सय रुपैयाँ निर्धारण भएको हो ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा भने सुनको भाउ बढेकाले नेपाली बजार पनि प्रभावित भएको हो । आज अन्तर्राष्ट्रिय बजारमा प्रतिऔंस सुनको मूल्य २७७३.८७ डलरमा कारोबार भइरहेको छ ।
शुक्रबार चाँदीको मूल्य पनि बढेको छ । बिहीबार प्रतितोला १८ सय ७५ रुपैयाँका दरले कारोबार भएको चाँदी आजका लागि १८ सय ८० रुपैयाँ निर्धारण भएको महासंघले जनाएको छ ।
