काठमाडौं । सुनको मूल्य प्रतितोला चार सय रुपैयाँ घटेको छ ।
नेपाली बजारमा बुधबार प्रतितोला १ लाख ६० हजार रुपैयाँका दरले कारोबार भएको सुनको मूल्य आज बिहीबारका लागि १ लाख ५९ हजार ६ सय रुपैयाँ निर्धारण भएको हो ।
नेपाल सुनचाँदी व्यवसायी महासंघका अनुसार अन्तर्राष्ट्रिय बजारमा भने सुनको भाउ घटेकाले नेपाली बजार पनि प्रभावित भएको हो । आज अन्तर्राष्ट्रिय बजारमा प्रतिऔंस सुनको मूल्य २७५३.२२ डलरमा कारोबार भइरहेको छ ।
बिहीबार चाँदीको मूल्य पनि घटेको छ । बुधबार प्रतितोला १८ सय ९५ रुपैयाँका दरले कारोबार भएको चाँदी आजका लागि १८ सय ७५ रुपैयाँ निर्धारण भएको महासंघले जनाएको छ ।
