काठमाडौं । अर्थ मन्त्रालयले राष्ट्रिय जीवन बिमा कम्पनीलाई चार महिनाभित्रमा लेखा परीक्षण सम्पन्न गर्न निर्देशन दिएको छ । राष्ट्रिय जीवन बिमा कम्पनीका पदाधिकारीसहित अर्थ मन्त्रालयमा आज बुधबार भएको बैठकमा उपप्रधानमन्त्री एवं अर्थमन्त्री विष्णुप्रसाद पौडेलले लामो समयसम्म लेखा परीक्षण नहुनु कसैका लागि पनि हितकर नभएको बताए ।
लेखा परीक्षण सम्पन्न गर्न आवश्यक पर्ने सहयोग उपलब्ध गराउन सरोकारवालालाई उनले निर्देशन दिए । राष्ट्रिय जीवन बिमा कम्पनीको आर्थिक वर्ष २०७१/०७२ देखि अन्तिम लेखा परीक्षण सम्पन्न हुन सकेको छैन ।
बैठकमा अन्तिम लेखा परीक्षण सम्पन्न भएपछि मात्र राष्ट्रिय जीवन बिमा कम्पनीको साधारणसभा आयोजना गर्ने कुरा भएको छ । बैठकमा महालेखा परीक्षकको कार्यालय, नेपाल बिमा प्राधिकरण, अर्थ मन्त्रालय, राष्ट्रिय जीवन बिमा कम्पनीका पदाधिकारीको उपस्थिति थियो ।
