काठमाडौं । नेपाल स्टक एक्सचेन्जमा बैंकिङ समूहका १९ कम्पनीमध्ये एभरेस्ट बैंक सबैभन्दा बढी प्रतिकित्ता मूल्य भएको कम्पनी बनेको छ । लामो समयदेखि स्ट्यान्डर्ड चार्टर्ड बैंक प्रतिकित्ता सेयर मूल्य सर्वाधिक भएको कम्पनीका रुपमा दर्ज भएकोमा एभरेस्टले उछिनेको हो ।
बैंक समूहमा स्ट्यान्डर्ड चार्टर्ड र एभरेस्ट सबैभन्दा बढी मूल्य भएका कम्पनी हुन् । नबिल बैंक तेस्रोमा छ ।
बुधबार एभरेस्ट बैंकको प्रतिकित्ता सेयर मूल्य ४३ रुपैयाँ बढेर ७७० रुपैयाँ पुगेको छ । त्यस्तै स्ट्यान्डर्ड चार्टर्डको ३९.२० रुपैयाँ बढेर ७५९ रुपैयाँ ९० पैसा पुगेको छ । नबिल बैंकको प्रतिकित्ता सेयर मूल्य ६५८ रुपैयाँ ३० पैसा छ । बुधबार नबिल बैंकको सेयर मूल्य ३ रुपैयाँ ७० पैसा घटेको छ ।
कुन बैंकको सेयर मूल्य (बुधबार) कति ?
एभरेस्ट बैंक – ७७०
स्ट्यान्डर्ड चार्टर्ड – ७५९.९०
नबिल बैंक – ६५८.३०
एनआईसी एसिया बैंक – ५३०
नेपाल एसबीआई बैंक – ४७०
कृषि विकास बैंक – ४१४.९
सानिमा बैंक – ३७०
सिद्धार्थ बैंक – ३६६.९०
नेपाल बैंक – ३१७
प्राइम बैंक – ३०९
हिमालयन बैंक – ३०२
ग्लोबल आईएमई – २८७
लक्ष्मी सनराइज बैंक – २८१.७०
नेपाल इन्भेस्टमेन्ट मेगा बैंक – २८१
प्रभु बैंक – २८०
माछापुच्छ्रे बैंक – २७९.९०
एनएमबी बैंक – २७९.१०
सिटिजन्स बैंक – २७३.६०
कुमारी बैंक – २५८.९०
सामान्य बढ्यो नेप्से
नेप्से परिसूचक आज बुधबार सामान्य बढेको छ । कारोबार खुलेको ५ मिनेटमै ३००० अंक पार गरेको नेप्से तीव्र उतारचढाव हुँदै ०.०७ प्रतिशतले बढेर बजार बन्द भएको हो ।
कारोबारको मध्य समयमा नेप्से परिसूचक २९४३.६१ अंकसम्म झरेको थियो । अन्तिममा २.११ अंकले बढेर २९६८.४४ अंकमा उक्लिएको छ ।
आज बैंक, विकास बैंक, वित्त, लगानी र अन्य समूह सामान्य बढे भने बाँकी सबै समूह ओरालो लागेका छन् ।
अघिल्ला दिनहरुको तुलनामा आज कारोबार रकम घटेको छ । आज ३३७ कम्पनीको १८ अर्ब ९० करोड ६३ लाख रुपैयाँबराबरको कारोबार भएको हो । आइतबार २८ अर्ब ८३ करोड रुपैयाँबराबरको सेयर किनबेच भएको थियो ।
आज १०० कम्पनीका लगानीकर्ताले कमाएका छन् भने १४० कम्पनीका लगानीकर्ताले कमाएका छन् । आज कर्पोरेट डेभलपमेन्ट बैंक, सिन्धु विकास बैंक, रिलायन्स फाइनान्स, दोल्ती पावर कम्पनी र मल्टिपर्पोज फाइनान्सको सेयर मूल्यमा सकारात्मक सर्किट लागेको छ ।
